Paraspara e-KootaBandhu for quicker news

19Nov/090

Yakshagana Bayalata

19-11-2009 ರಂದು ಶ್ರೀದೇವಳದ ಹೆಸರಿನಲ್ಲಿ ನಡೆಯುವ ಯಕ್ಷಗಾನ ಮೇಳದ ಪ್ರಾರಂಭಿಕ ಸೇವೆಯ ಗಣಹೋಮ ಮತ್ತು ಶ್ರೀಗುರುನರಸಿಂಹ ಮತ್ತು ಪರಿವಾರ ದೇವತೆಗಳ ಪೂಜೆಯ ನಂತರ ರಾತ್ರಿ 9-30 ಗೆ  ಯಕ್ಷಗಾನ ಪ್ರಸಂಗವನ್ನು ಆಡಿ ತೋರಿಸುವುದರ ಮೂಲಕ ಈ ವರ್ಷದ ಮೇಳದ ತಿರುಗಾಟಕ್ಕೆ ಚಾಲನೆ ನೀಡಲಾಯಿತು

16Nov/090

Puraskara

ದಿನಾಂಕ 15.11.09ರಂದು ಸಾಲಿಗ್ರಾಮ ಶ್ರೀಗುರುನರಸಿಂಹನ ಉಪಸನ್ನಿಧಿ ಅತ್ಯಂತ ಕಾರಣಿಕವಾದ ಶ್ರೀಆಂಜನೇಯ ಸ್ವಾಮಿಯ ಅರ್ಚಕರಾಗಿರುವ ಶ್ರೀ ಪಿ ವಿಜಯಕುಮಾರ ಆಡಿಗರನ್ನು ಶ್ರೀ ಉಡುಪಿ ಕೃಷ್ಣಮಠದ ಮುಖ್ಯಪ್ರಾಣನ ಸನ್ನಿಧಿಯಲ್ಲಿ ಪರ್ಯಾಯ ಶ್ರೀಪುತ್ತಿಗೆ ಮಠದ ಸ್ವಾಮಿಜಿ ಶ್ರೀ ಶ್ರೀ ಸುಗುಣೇಂದ್ರ ತೀರ್ಥ ಶ್ರೀಪಾದರು ವಾಯುಸ್ತುತಿ ಪುನಶ್ಚರಣೆಯ ಸುಸಂದರ್ಭದಲ್ಲಿ ಶಾಲು ಹೊದೆಸಿ ಶ್ರೀಕೃಷ್ಣಾನುಗ್ರಹ ಪತ್ರ ಹಾಗೂ ಫಲ ಪುಷ್ಫ, ಪ್ರಸಾದವನ್ನು ನೀಡಿ ಗೌರವಿಸಿದರು.

16Nov/090

Deepotsava

ದಿನಾಂಕ 16.11.2009 ರಂದು ಪ್ರತಿವರ್ಷದಂತೆ ಕಾರ್ತಿಕ ಮಾಸದ ದೀಪೋತ್ಸವವು ಅದ್ದೂರಿಯಾಗಿ ನಡೆಯಿತು. ಪೂರ್ವಾಹ್ನ ಶ್ರೀದೇವರ ಸನ್ನಿಧಿಯಲ್ಲಿ ನರಸಿಂಹ ಹೋಮ ಮೋದಲಾದ ಧಾರ್ಮಿಕ ಕಾರ್ಯಕ್ರಮಗಳನ್ನು ತಂತ್ರಿಗಳಾದ ವೇ.ಮೂ.ಶಂಕರನಾರಾಯಣ ಸೋಮಯಾಜಿ ಮತ್ತು  ಅರ್ಚಕ        ವೇ.ಮೂ. ವಿಜಯಕುಮಾರ ಅಡಿಗಳ ಸಹಕಾರದಿಂದ ನಡೆಸಿಕೊಟ್ಟರು.

ಸಂಜೆ ದೀಪೋತ್ಸವದ ಅಂಗವಾಗಿ ಶ್ರೀದೇವರಿಗೆ ಹಿರಿರಂಗಪೂಜೆಯ ನಂತರ ಸಿಂಗರಿಸಿದ ಉತ್ಸವ ಮೂರ್ತಿಯೊದಿಗೆ  ದೇವಳದ ಬಿರುದಾವಲಿ ಮಂಗಳವಾದ್ಯ ವೇದ ಪಾಠಶಾಲೆಯ ಗುರುಗಳ ವಿದ್ಯಾರ್ಥಿಗಳ ಉಪಾಧಿವಂತರ ವೇದಘೋಷದಿಂದ ಉತ್ಸವ ಪ್ರಾರಂಭವಾಯಿತು. ದೇವಳದ ಒಳಗೂ ಹೊರಗೂ ರಥಬೀದಿಯ ಇಕ್ಕೆಲಗಳಲ್ಲಿ ಶಂಖತೀರ್ಥ ಸರೋವರರದಲ್ಲಿ ಪಾರಂಪರಿಕ ಹಣತೆ ದೀಪಗಳ ಆಕರ್ಷಣೆಯೊಂದಿಗೆ ವಿದ್ಯುತ್ ದೀಪಗಳ ವೈಭವ ಮನಸೆಳೆಯುವಂತಿತ್ತು.

ಉತ್ಸವಮೂರ್ತಿಯು ಪುಷ್ಫರಥದಲ್ಲಿ ಶ್ರೀಆಂಜನೇಯ ದೇವಳದವರೆಗೆ  ಹೋಗಿ ಶ್ರೀಆಂಜನೇಯ ದೇವರಿಗೆ ಹಿರೆಕಡ್ಲೆರಂಗಪೂಜೆಯ ನಂತರ ಹಿಂದುರುಗಿ ಶಂಖತೀರ್ಥ ಸರೋವರದಲ್ಲಿ ಶ್ರೀದೇವರಿಗೆ ತೆಪ್ಪದಲ್ಲಿ ಮೆರವಣಿಗೆ ಮಾಡಿ ನಂತರ ಶ್ರೀದೇವಳಕ್ಕೆ ಹಿಂದುರುಗಿ ಮಹಾಮಂಗಳಾರತಿಯೊಂದಿಗೆ ಕಾರ್ಯಕ್ರಮವನ್ನು ಮುಗಿಸಲಾಯಿತು.

ಈ ಕಾರ್ಯಕ್ರಮದಲ್ಲಿ ಸಾವಿರಾರು ಸಂಖ್ಯೆಯಲ್ಲಿ ಭಕ್ತಾಧಿಗಳು ಭಾಗವಹಿಸಿ ಕಾರ್ಯಕ್ರಮದ ಸೊಬಗನ್ನು ಹೆಚ್ಚಿಸಿದರು

ದೀಪೋತ್ಸವದ ಅಂಗವಾಗಿ ಸಾಂಸ್ಕ್ರತಿಕ ಕಾರ್ಯಕ್ರಮ "ಯಕ್ಷಮಿತ್ರರು" ಕಾರ್ಕಡ ಇವರು ಅತಿಥಿ ಕಲಾವಿದರನ್ನು ಕೂಡಿಕೊಂಡು "ದ್ರೌಪದಿ ಪ್ರತಾಪ" ಯಕ್ಷಗಾನ ಕಥಾ ಭಾಗವನ್ನು ಆಡಿತೋರಿಸಿದರು

11Nov/090

Ashwatha Kattege Guddali Puje

ಅಶ್ವತ ಕಟ್ಟೆಗೆ ಗುದ್ದಲಿ ಪೂಜೆ

ಅಶ್ವತ ಕಟ್ಟೆಗೆ ಗುದ್ದಲಿ ಪೂಜೆ

ಶ್ರೀ ಗುರುನರಸಿಂಹ ದೇವಳದ ಪೂರ್ವೇತಿಹಾಸದಲ್ಲಿ ಅಶ್ವತ್ಥ ಮರವು ಬಹಳ ಪ್ರಾಮುಖ್ಯವನ್ನು ಪಡೆದಿದೆ. ಶ್ರೀದೇವರ ಮೂಲಬಿಂಬವು ದೇವಳದ ಅಗ್ನೇಯ ಮೂಲೆಯಲ್ಲಿದ್ದ ಅಶ್ವತ್ಥ ಮರದ ಪೊಟರೆಯಲ್ಲಿದ್ದಿತ್ತು ಎಂದು ಹೇಳಲಾಗುತ್ತದೆ. ಹಿಂದೆ ಈ ಬ್ರಹತ್ ಅಶ್ವತ್ಥ ಮರಕ್ಕೆ ಪ್ರತಿದಿನ ಪೂಜೆ ನಡೆಯುತ್ತಿತ್ತು. ದೇವಳಕ್ಕೆ ಬಂದ ಭಕ್ತರು ಈ ಮರಕ್ಕೆ ಪ್ರದಕ್ಷಿಣೆ ಬಂದು ಭಕ್ತಿಯಿಂದ ನಮಸ್ಕರಿಸುವ ಪರಿಪಾಟಿಯನ್ನು ಬೆಳಸಿಕೊಂಡಿದ್ದರು.

ಈ ಅಶ್ವತ್ಥ ಮರ ನೆಟ್ಟ ದಿನದಿಂದಲೂ ದೇವಸ್ಥಾನದ ಅಭಿವ್ರದ್ಧಿ ಕಾಮಗಾರಿಗಳು ಹೆಚ್ಚು ವೇಗವನ್ನು ಪಡೆದುಕೊಡಿರುವುದು ಮತ್ತು ಈ ಕ್ಷೇತ್ರವು ಹೆಚ್ಚು ಹೆಚ್ಚು ಪ್ರಸಿದ್ಧಿ ಪಡೆದುಕೊಂಡಿರುವುದು  ಸೋಜಿಗ ಎನಿಸುತ್ತದೆ.

ಶ್ರೀದೇವಳದ ಆಡಳಿತ ಮಂಡಳಿಯು ಸುಂದರಕಟ್ಟೆಯನ್ನು ಕಟ್ಟಲು ನಿಶ್ಚಯಿಸಿ ದಿನಾಂಕ 08.11.2009 ರಂದು ಪೂವಾಹ್ನ ದೇವಳದ ತಂತ್ರಿ ವೇ.ಮೂ.ಶಂಕರನಾರಾಯಣ ಸೋಮಯಾಜಿ, ಅರ್ಚಕ ವೇ.ಮೂ.ವಿಜಯಕುಮಾರ ಅಡಿಗರ ಸಹಕಾರದಲ್ಲಿ ಧಾರ್ಮಿಕ ಪೂಜಾವಿಧಿ ವಿಧಾನಗಳೊಂದಿಗೆ ಆಡಳಿತ ಮಂಡಳಿ ಅಧ್ಯಕ್ಷ ಶ್ರೀ.ಪಿ ಸೂರ್ಯನಾರಾಯಣ ಹೇರ್ಳೆ, ಕಾರ್ಯದರ್ಶಿ ಶ್ರೀ.ಬಿ. ನಾರಾಯಣ ಸೋಮಯಾಜಿ ಜೊತೆಯಾಗಿ ಅಡಿಗಲ್ಲನ್ನು ಇರಿಸಿ ಕಾಮಗಾರಿಗೆ ಚಾಲನೆ ನೀಡಿದರು.

ಈ ಸಮಾರಂಭದಲ್ಲಿ ಆಡಳಿತ ಮಂಡಳಿಯ ಸದಸ್ಯರಾದ ಶ್ರೀ ವೇ.ಮೂ. ಗುಂಡ್ಮಿ ಸೀತರಾಮ ಉಪಾಧ್ಯರು,   ಶ್ರೀ ಕೊಡೇರಿ ವಾಸುದೇವ ಕಾರಂತ, ಶ್ರೀ ಕೆ ಯಜ್ಞನಾರಾಯಣ ಹೇರ್ಳೆ, ಶ್ರೀ  ಎ. ಕ್ರಷ್ಣ ಹೆಬ್ಬಾರ್,                 ಶ್ರೀ ಎಂ. ಪದ್ಮನಾಭ ಕಾರಂತರು ಉಪಸ್ಥಿತರಿದ್ದು ಕಾರ್ಯಕ್ರಮದ ಮೆರಗನ್ನು ಹೆಚ್ಚಿಸಿದರು.

ashwathakatte

11Nov/090

Donation

padmanabha karanth

ದಿನಾಂಕ 08.11.09  ಶ್ರೀ ದೇವಳದ ಆಡಳಿತ ಮಂಡಳಿಯ ಸದಸ್ಯ ಶ್ರೀ ಪದ್ಮನಾಭ ಕಾರಂತ ಮತ್ತು ಸಹೋದರರು ತಮ್ಮ ತಂದೆ ತಾಯಿಯ ಸ್ಮರಣಾರ್ಥ ಹಾಗೂ ಹುತ್ತಿನ ಗದ್ದೆ ಕುಟುಂಬದ ಹಿರಿಯರ ಸ್ಮರಣಾರ್ಥ ಕುಟುಂಬಿಕರೆಲ್ಲ ಸೇರಿ ಒಟ್ಟು ರೂ 2,00,202,ನ್ನು ಶ್ರೀದೇವರ ಸನ್ನಿಧಿಯಲ್ಲಿ ಆಡಳಿತ ಮಂಡಳಿಯ ಅಧ್ಯಕ್ಷರಿಗೆ ಹಸ್ತಾಂತರಿಸುತ್ತಾ ತಮ್ಮ ಹಿರಿಯರ ಹೆಸರಿನಲ್ಲಿ ಎರಡು ಕೋಣೆಗಳನ್ನು ಪ್ರಾಯೋಜಿಸುವ ಅಪೇಕ್ಷೆಯನ್ನು ವ್ಯಕ್ತಪಡಿಸಿದರು.

ಇನ್ನೂ ಇಂದು ಕೋಣೆಯನ್ನು ತಮ್ಮವರ ಪರವಾಗಿ ಪ್ರಾಯೋಜಿಸುವ ಭರವಸೆ ನೀಡಿದರು.

padmanabha karanth_0002

ಶ್ರೀದೇವಳದ ಸಂಪ್ರದಾಯದಂತೆ ಶ್ರೀಪದ್ಮನಾಭ ಕಾರಂತರನ್ನು ಅವರ ಕುಟುಂಬಿಕರ ಪರವಾಗಿ ಶಾಲು ಹೊದೆಸಿ ಫಲ ಪುಷ್ಫ ತಾಂಬೂಲ, ದೇವರ ಪ್ರಸಾದವನ್ನು ನೀಡಿ ಗೌರವಿಸಲಾಯಿತು..

2Nov/090

Donation

ಶ್ರೀ ಗುರುನರಸಿಂಹ ದೇವಳದ ಗೇಸ್ಟ್ ಹೌಸನ ಒಂದು ವಿಶಾಲ ಕೋಣೆಗೆ ತಮ್ಮ ಹಿರಿಯರ ಸ್ಮರಣಾರ್ಥ   ಪ್ರೋ.ವಿ. ಶಿವರಾಮ ಹೊಳ್ಳ ಮತ್ತು ಮಕ್ಕಳು ರೂ. 2.5 ಲಕ್ಷವನ್ನು ನೀಡಿ ಗುರುವಿನ ಅನುಗ್ರಹಕ್ಕೆ ಪಾತ್ರರಾದರು.

ಅವರ ಕೊಡುಗೆಯನ್ನು ಆಡಳಿತ ಮಂಡಳಿಯ ಅಧ್ಯಕ್ಷ ಶ್ರೀ ಪಿ. ಸೂರ್ಯನಾರಾಯಣ ಹೇರ್ಳೆಯವರು ಸ್ವೀಕರಿಸುತ್ತಾ, ಶ್ರೀದೇವರ ಪೂರ್ಣಾನುಗ್ರಹ ಶ್ರೀ ಹೊಳ್ಳರ ಕುಟುಂಬದ ಮೇಲಿರಲೆಂದು ಪ್ರಾರ್ಥಿಸುತ್ತಾ ದೇವಳದ ಸಂಪ್ರದಾಯದಂತೆ ಶಾಲು ಹೊದೆಸಿ, ಫಲ ತಾಂಬೂಲ,  ದೇವರ ಪ್ರಸಾದ ನೀಡಿ ಗೌರವಿಸಿದರು.

shivaranaholla